ҚИРҒИЗИСТОНДА КОРОНАВИРУСГА ҚАРШИ КУРАШДА ҚУРБОН БӮЛГАН ТИББИЁТЧИЛАРГА ҲАЙКАЛ ОЧИЛДИ 

Қирғизистон пойтахти Бишкек шаҳрида 19 октябр куни коронавирус инфекциясига қарши курашда қурбон бўлган тиббий ходимлар ва тиббиёт таълим масканларига ҳайкал очилди .

Ёдгорлик Қирғизистон давлат тиббиёт академияси асосий корпуси яқинидаги хиёбонда ўрнатилди. Маълумотларга кўра, ҳайкал ихтиёрий равишда йиғилган пуллар ҳисобига ҳозирланган.

Коронавирус пандемияси даврида Қирғизистонда олти мингдан зиёд тиббиёт ходими хасталикка чалинган. Улар орасидан 123 киши (79 нафар врач ва 44 нафар ўрта маълумотли тиббий ходим) вафот этган.

Мамлакатда шу кунгача коронавирусга чалинганлар сони 180 минг нафардан ошган. Пандемия бошидан бери, расмий маълумотларга кўра, COVID-19 важидан вафот этганлар сони 2 минг 638 кишига етган.

 

 Бизни   Facebook    Telegram       Instagram   да ҳам  кузатиб боринг!

Добавить комментарий

%d такие блоггеры, как: